Skoðaðu úrval af sellum og aukahlutum í vefverslun.
Fáðu tilboð í allan búnað auk frágangs á ferðavagninn þinn. Sólarsellur og neyslugeymar eru líka tilvalin lausn hvar sem þörf er fyrir 12 volta raflausnir.
Hafðu samband og fáðu verðtilboð.
Sólarrafhlaðan breytir sólarljósi í rafstraum.
Þetta gerist án nokkurra hreyfanlegra hluta líkt og er líftíminn því langur auk þess sem viðhald er nánast ekkert. Sólarrafhlöður eru í auknum mæli notaðar í nýbyggingar þar sem rafhlaðan er hluti af byggingunni og framleiðir raforku meðal annars til ljósanotkunnar og smærri raforku notkunnar.
Á Íslandi eru sólarrafhlöður notaðar við ýmsar aðstæður en mest fyrir húsbíla, fellihýsi og hjólhýsi.
Þessi notkun fer vaxandi og möguleikarnir margvíslegir. Það besta er svo að raforkan er ókeypis og fjárfestingin því fljót að borga sig.
Hve stóran rafgeymi á að nota við sólarsellu frá Rafgeymasölunni?
Þegar velja skal rafgeymi fyrir sólarsellur er mikilvægt að reikna áætlaða notkun. Best er að styðjast við þá mestu notkun sem hugsast getur á árinu og verstu hleðsluskilyrði. Ef þetta er gert þá er ekkei hætta á straumleysi þegar notkun er minni og hleðsluskilyrði betrti. Hér á eftir fylgir dæmi um orkunotkun í venjulegu hjólhýsi fyrir 4 persónur.
Hvernig er orkunotkun reiknuð út?
Orkunotkun er gefin upp í Watt tímum (Wh). Spenna (U) í voltum (V). Straumur (I) í amper (A) og orka (P) í wöttum (W).
Ef við vitum straum og spennu þá finnum við orkuna á eftirfarandi hátt:
P = I x U
Oftast er orkan gefin upp á perum og þeim hlutum sem nota á. Þess vegna er hægt að lesa orkustærð og margfalda hana með fjölda klukkustunda sem nota á hlutinn. Ef tekið er dæmi um leslampann hér í töflunni þá er formúlan eftirfarandi:
Wh = W x t => 10W x 4t = 40Wh
Dæmi um orkunotkun á einum sólarhring.
Fjöldi |
Tæki |
Orka í W |
Notkunartími í klukkustundum |
Orkuþörf í Wh* |
2 | Leslampar | 10W | 2 t | 40Wh |
1 | Flúrlampi | 16W | 1 t | 16Wh |
2 | Vegglampi | 10W | 3 t | 60Wh |
1 | Útvarp/græjur | 15W | 2 t | 30Wh |
4 | Innfeld ljós | 10W | 2 t | 80Wh |
1 | Sjónvarp | 40W | 2 t | 80Wh |
1 | Hitablásari | 30W | 2 t | 60Wh |
Heildar orkuþörf á sólarhring 366Wh
Út frá þessari töflu er orkuþörfin ca 366Wh á einum sólarhring ef öll tækin eru keyrð samhliða. Nú er rýmd rafgeyma mæld í amper stundum. Til þess að finna út hve margar amperstundir 366Wh krefjast þá er deilt í töluna með spennunni. Þetta gefur:
366Wh/12V = 30,5Ah á dag , sem gera 7×30,5Ah = 214Ah á viku.
Stærð rafgeymis í Ah
Uppgefin stærð rafgeymis í Ah (amperstundum) er miðuð við 20 stunda rafhleðslu.
Stærðin gefur til kynna þá notkun sem afhleður rafgeyminn á 20 klukkustundum. Rýmd 65Ah rafgeymis er því 3,25A (3,25Ax20 klst = 65Ah). Það er mikilvægt að þekkja rýmd rafgeymis en hún getur verið misjöfn eftir gæðum hans og gott að gera ráð fyrir að hafa hann umfram ætlaða otkun.
Það er mikilvægt að rafgeymirinn sé ekki afhlaðinn að fullu.
Sem þumalputtaregla er ráðlegt að ætíð sé 20% – 30 % eftir á rafgeymi. Það er að segja að afhleðslan án hleðslu sé aldrei meiri en 70 – 80% af heildarrýmd rafgeymisins.
Vali á rafgeymi fyrir ofannefnda notkun
Ef reiknað er með vikunotkun án nokurrar hleðslu þarf geymi af stærri gerðinni, eða:
1.2 x 214Ah = 257Ah.
Aðstæður til notkunar sólarorku eru misjafnar á Íslandi en ef reiknað er með meðalsólargangi byggt á gögnum Veðurstofu Íslands fæst eftirfarandi upphleðsla í Wh frá sólarrafhlöðu frá Rafgeymasölunni á viku.
Tafla sýnir orku hleðslu á viku í Wh.
Sólarrafhlaða | Apríl | Maí | Júní | Júlí | Ágúst | September |
60W | 1000 | 1290 | 1100 | 1160 | 955 | 720 |
64W | 1075 | 1375 | 1173 | 1237 | 1018 | 774 |
80W | 1347 | 1726 | 1472 | 1555 | 1280 | 971 |
Með því að taka mið af meðaltals upphleðslu rafgeymis miðað við uppgefnar tölur Veðurstofu Íslands þá má minnka rafgeymastærð verulega. Tökum dæmi um 60W sólarrafhlöðu. Hér er gengið út frá meðalhleðslu upp á ca 1000 Wh. Eða 83.3 Ah.
Ný stærð rafgeymis = 257Ah – 83.3 Ah = 173,7 Ah.
Valið yrði því 2 x 90 Ah rafgeymar
Til þess að taka alla þætti inn í heildarmyndina þá ætti að taka tillit til vinnugildis rafgeymisins eða nýtnistuðuls hans sem er 90 %. Þá fæst að heildarrýmd á rafgeymapakka ætti að vera:
0.9 x 180Ah = 162 Ah
Þá er mismunur upp á 173,7Ah – 162Ah = 11,7 Ah. Þar sem hætt er við því á Íslandi að lenda í takmarkaðri birtu í lengri tíma er best að hafa rafgeymarýmd í samræmi við veðurfar. Hér myndum við því velja tvo 110Ah rafgeyma við dæmigerð veðurskilyrði á Íslandi.
Sólarrafhlöðutæknin er ekki ný á nálinni
Franski vísindamaðurinn Edmund Becquerel (1820-1891) fann upp tækni til að nýta sólarljós til raforkuframleiðslu árið 1839. Ransóknir Becquerels á sólargeislun og áhrifum geislunar á fosfor er aðferð sem kallaðist becquerelaðferðin. Þannig að rannsóknir Becquerels eru upphafið af þeirri sólar rafhlöðutækni sem er þekkt í dag.
En á 18. öld komust menn ekki áfram með þá gífurlegu orku sem býr í geislum sólar sökum þess að tæknin var ekki til staðar til þess að umbreyta sólarljósi í raforku.
Með aukinni þróun á rafeindabúnaði svo sem hálfleiðurum kringum 1950 fóru hlutirninr að gerast. Þessi tækninýjung gerði það mögulegt að nýta aðferð Becquerels til framleiðslu á raforku úr geislum sólarinnar. Hér varð úr fyrsta sólarrafhlaðan.
Hálfleiðaratæknin sem hófst ca. 1950
Hálfleiðaratæknin sem hófst ca. 1950 gerði það mögulegt að nýta sólarljósið til raforkuframleiðslu. Það var síðan ameríska geimferðastofnunin NASA (National Aeronautics Space Administration) sem þróaði þessa tækni og notar enn í dag á gervihnetti sína sem svífa í himinhvolfunum.
Uppbygging sólarrafhlöðu
Sólarsella er byggð upp á þunnum kísilflögum (silicium). Kísilflögurnar eru lagðar saman og mynda örþunna plötu. Þegar sólarljósið fellur á plöturnar myndast rafhleðsla í plötunum sem hefur plús á framhliðinni og mínus á bakhliðinni. Þessi rafhleðsla er lítil í hverri plötu og er hleðslunni safnað saman með málmþráðum sem liggja á yfirborði plötunnar.
Með þessum málmþráðum er síðan hægt að tengja fleiri rafhlöður saman svo hægt sé að ná upp þeirri orkuframleiðslu sem þörf er á.
Ein rafhlaða framleiðir um það bil 0,5 V spennu
Til þess að ná 12 V eða 24 V þá eru þær raðtengdar við þann fjölda sella sem þarf til þess að ná þeirri spennu (12V = 30-36 stk.). Sellunum er síðan raðað á plötu og þær steyptar í glæra epoxí blöndu. Þessar sólarrafhlöður er það sem Rafgeymasalan hefur upp á að bjóða. Reynsla okkar af þeirri tækni sem fundin var upp af Edmund Becquerel á sínum tíma er góð og framtíðin býður alltaf upp á nýja möguleika í tækniheiminum.